ജര്‍മ്മിയുടെ ആദ്യ ഒഴിപ്പിക്കല്‍ വിമാം ഫ്രാങ്ക്ഫര്‍ട്ടില്‍ ഇറങ്ങി

ബര്‍ലിന്‍: ഇറാന്‍~യുഎസ് സംഘര്‍ഷത്തെത്തുടര്‍ന്ന് ഗള്‍ഫ് മേഖലയില്‍ കുടുങ്ങിക്കിടന്ന ജര്‍മ്മന്‍ പൗരന്മാരുമായുള്ള ആദ്യ വിമാനം ഫ്രാങ്ക്ഫര്‍ട്ട് വിമാനത്താവളത്തില്‍ എത്തിച്ചേര്‍ന്നു. ഒമാനിലെ മസ്കറ്റില്‍ നിന്നുള്ള ലുഫ്താന്‍സ LH 345 വിമാനമാണ് വ്യാഴാഴ്ച രാവിലെ ലാന്‍ഡ് ചെയ്തത്.

യാത്രക്കാര്‍: സ്ത്രീകളും കുട്ടികളും രോഗികളും അടക്കം 250~ലധികം ആളുകള്‍ വിമാനത്തിലുണ്ടായിരുന്നു.

പശ്ചാത്തലം: ഇറാനുനേരെയുള്ള യുഎസ് ആക്രമണത്തെത്തുടര്‍ന്ന് ഗള്‍ഫ് മേഖലയില്‍ കുടുങ്ങിയവരെ റോഡ് മാര്‍ഗം മസ്കറ്റിലെത്തിച്ച ശേഷമാണ് ജര്‍മ്മനിയിലേക്ക് കൊണ്ടുവന്നത്.

ഗര്‍ഭിണികള്‍, കുട്ടികള്‍, രോഗികള്‍ എന്നിവര്‍ക്കാണ് മുന്‍ഗണന നല്‍കുന്നതെന്ന് വിദേശകാര്യമന്ത്രി ജോഹാന്‍ വഡെഫുള്‍ അറിയിച്ചു. കൂടുതല്‍ ഒഴിപ്പിക്കല്‍ വിമാനങ്ങള്‍ വരും ദിവസങ്ങളില്‍ ഉണ്ടാകും. ജര്‍മനിയില്‍ നിന്നുള്ള 30000 ആളുകളാണ് ദുബായ് ഉള്‍പ്പടെ ഗള്‍ഫ് മേഖലയില്‍ കുടുങ്ങിക്കിടക്കുന്നത്, ഇവരെല്ലാവരും വിനോദസഞ്ചാരികളാണ്.

ഫ്രാങ്ക്ഫര്‍ട്ടിലെത്തിയ ആദ്യ സംഘത്തില്‍ സാര്‍ലാന്‍ഡ് സ്വദേശികളായ സെലീന, കെവിന്‍ എന്നിവരും ഡാനിയല്‍ യെര്‍ട്ടന്‍, ഡൊമിനിക് റിറ്റ്സെ തുടങ്ങിയ കുടുംബങ്ങളും ഉള്‍പ്പെടുന്നു.
പൗരന്മാര്‍ക്കുള്ള നിര്‍ദ്ദേശം
ഗള്‍ഫ് മേഖലയിലുള്ള ജര്‍മ്മന്‍ പൗരന്മാരോട് വിദേശകാര്യ മന്ത്രാലയത്തിന്റെ 'Elefand' (Crisis preparation list) ലിസ്ററില്‍ പേര് രജിസ്ററര്‍ ചെയ്യാന്‍ കര്‍ശന നിര്‍ദ്ദേശം നല്‍കിയിട്ടുണ്ട്.മേഖലയിലെ നിലവിലെ അസ്ഥിരത കണക്കിലെടുത്ത് പൗരന്മാര്‍ അനാവശ്യ യാത്രകള്‍ ഒഴിവാക്കണമെന്നും, തങ്ങുന്ന ഇടങ്ങളില്‍ സുരക്ഷിതരായിരിക്കണമെന്നും മന്ത്രാലയം അറിയിച്ചു.

നയതന്ത്ര നിലപാട്

ജര്‍മ്മന്‍ വിദേശകാര്യ മന്ത്രി ജോഹാന്‍ വഡെഫുള്‍ വ്യക്തമാക്കിയതനുസരിച്ച്, നിലവിലെ സൈനിക നീക്കങ്ങളില്‍ ജര്‍മ്മനി പങ്കാളിയല്ല. പൗരന്മാരുടെ സുരക്ഷ ഉറപ്പാക്കുന്നതിനാണ് ജര്‍മ്മനി പ്രഥമ പരിഗണന നല്‍കുന്നത്.